我仲記得呢個夢，就打出嚟記錄下

　　開始時，我已經唔知道點解會係一條夜晚嘅街上等巴士，成員有歐陽同一位李小姐嘅親戚(我估係)。

　　當時係對面馬路，我見到李小姐上咗一架黑色的私家車(應該係EX渣車嚟接李小姐，初時我都無為意，因為好似同緊歐陽傾計)突然歐陽就叫住:「嘩，架車仲乜打白鴿轉咁??」

　　我先望向歐陽所講架車，原來就係李小姐個架，因為李小姐要趕返屋企所以立即下車，係馬路上等的士，(但又好似佢同阿EX鬧緊交，因為我無見過EX，總之係一個長髮嘅男人)最後折到的士，我還在對面馬路上揮手道別！

　　仍然等巴士咁???突然就轉咗去等地鐵

　　怪事就開始了，我係月台頭卡排頭位置，李小姐個親戚仍然係我旁邊，不過完全無同佢講野，歐陽當時已經唔係度，我估佢應該去咗送李小姐返屋企！我一直等著地鐵，排我後面也愈來愈多人，我感到一陣壓迫，因此係未有地鐵嚟時，我跳咗落路軌，回頭望上去月台，原來是有兩個肥仔排在我後面，之後我開始覺得有地鐵嚟啦，就爬上月台，成個過程李小姐個親戚係見住，我上番月台，刻意企後一啲，地鐵就到站頭時，有個肥仔突然跳落月台，可能呢個站，係地鐵嘅總站！車頭位置係有道牆，所以肥仔唔怕地鐵撞佢咁，可惜唔知點解，地鐵撞底肥仔，肥仔卷入了車底，我當時好驚咁，一邊走一邊偷望路軌下的肥仔！-_-#

　　最後所有等候地鐵嘅乘客都好失望地鐵咁，人潮散去，我去到一個出口位諗住等番李小姐個親戚，但人太多，而突然間，我知道自己在發夢，就咁醒咗！完