開頭係坐街邊啲大排檔，出面係馬路，有一半行人路有開路工程做緊。

　　首先我應該係見住架巴士停在係個巴士站，但突然架巴士瞓低咗，(應該係地盤凹陷)入面有好多乘客，車頭位置仲有消防員，我仲心諗:「啲消防員過重，搞到架巴士反囉??」跟住我又坐番低，坐我隔離嘅一位陌生人，無拉拉係地下執咗張濕紙巾，係度抺自己，但其實我知道呢張濕紙巾係有啲屎水，呢條陌生人，好似傻佬，抺完又幫我抺，我當然立即火到嚟彈開攞番呢張有屎水嘅濕紙巾掉佢啦，仲一邊鬧一邊攞住個面盆走人，走咗去一個有水龍頭嘅洗手盆。

　　不過個水龍頭好似啲日本野咁有個公仔擺設(好難形容啊)總之有啲乾淨水洗俾我洗下面，但我其實想洗埋個面盆，可惜個洗手盆太細，我要搵個大啲。

　　之後行咗去一條又一條嘅酒店式走廊，見到一個女仔身影，我當時係認得呢女仔係出版社舊同事叫sharo，因為心急想快啲洗乾淨個面盆，我就衝咗入去男廁，因為有啲男廁門口已經係洗手盆位置，我仲照咗一次鏡，見到自己帶黑框眼鏡。

　　跟住就聽到後面有把女聲叫我:「你係咪水哥啊～?做乜學人帶眼鏡?」我知道sharo認得出我，??所以過嚟同我傾偈，但呢一刻我就醒咗啦！

　　完！