我在一間醫院的天台，好多人係天台度吹水，我識咗個女中學生，問佢做咩入院，佢話檢查一下頸項，有無頸椎問題！我好安慰式咁同佢傾計，叫佢多啲按摩頸椎。

　　佢見到一個阿叔食煙嘅手勢好古怪，叫我睇下，我睇到佢食個支煙係掉轉食，唔係吸個煙咀位，係吸有煙出個位，我仲諗點解唔會辣親條脷??

　　突然，唔知做咩天仲台所有人都要離開，應該係夠鍾返病房，但真係好多人，好似搭地鐵咁多人，我見到一條好細嘅樓梯，同呢班走緊嘅人揮手bye bye 我就跑落咗幾層！可惜跑到一個更細嘅位置，只有啲水管穿過，我放棄，跑返上天台！

　　之後，我係一個好似地下停車場嘅地方，玩緊一盒模型，呢盒模型似Z高達，但我個口就話獅人鳳，自己仲買咗盒未砌，玩緊人地個盒，我身邊仲有個女人問我乜隻腳板咁大，都唔靚！

　　我都無奈答佢??係啦，大咗啲，不過個設定係咁架???

　　之後我醒了！完！