24

我默不作聲，隨便找了個位子坐下。

此時，大概是阿信剛把一個段落的話講完了，大伙兒終於從他的分析當中抽離出來，回到現實世界上，發覺我的存在。

我依舊低著頭，呆滯的看著茶餐廳地板上的磁磚，尷尬的左顧右盼，沒跟任何人有眼神接觸；因為，我知道此刻自己的雙眼還是又紅又腫。

大伙兒先是沉默了會，大概是對我突然回來又靜謐不語，覺得十分奇怪；無形中，我彷彿感受到十幾雙眼睛在我身上打轉的一種壓迫感。

然後，貫徹他一路走來的領導風範，中年男子終於按捺不住而向我詢問:

｢……..阿池…? 你無野啊…?............頭先邊個打比你?｣

我嘆了口氣，繼續凝望著地板磁磚，此刻的我無意把實情告知他們，面對母親的突然離世，加上深愛的女朋友突然變為了人家的新娘子，此刻的我極需要一個人安靜下來的空間，思考應該如何面對這一切———

於是，我向中年男子隨便敷衍道:

｢傳銷———｣

我本來想說｢傳銷電話｣，可話說到一半，才發覺當中的邏輯問題；這樣說出去，一定會給他們立即質疑及拆穿；幾個掩飾的藉口在我腦海裡快速閃過，可我發覺無論如何，在全世界也都消失了的這個大前題底下，任何一個亂編的藉口也都站不住腳的。

所以，無計可施的我，唯有把真相告知他們:

｢………..係我女朋友打黎…….｣

｢——嗄————｣

不出所料，大伙兒聽後無不嘩然。

我又嘆了口氣，抬起頭，看著他們的毎一個，不再逃避的把真相說出———當然，我故意把母親離世及阿怡出嫁的事省略掉，只留下一些重點內容。

他們此刻看到我的雙眼，大概會以為我是太掛念女友，忍不住而哭了吧………..不過，實情也是，我的確是因為阿怡而哭的。

聽了我的話，大伙兒除了暗自驚奇，發出竊竊私語的聲音外，沒有人再說什麼。

此時，穿著筆直襯衫的阿信不住點頭，一副恍然大悟的樣子:

｢………原來係咁……….｣

他思索了一會，頓了一頓，然後開口向大伙兒問道:

｢………….在座既各位，你地有無聽過，愛因斯坦既相對論?｣

阿信突然爆出一個如此理科的專有名詞，叫我暗暗驚訝。

其實不止是我，基本上，茶餐廳內的各個｢生還者｣，都不會預期到他會有突然講這個。畢竟，對我們這種讀書不多(或是讀書很多卻還是心無一點墨)的普通人來說，我們對｢愛因斯坦｣的印象，或許就只留於他的職業是｢科學家｣，以及他那頭白色的爆炸髮型，這兩項事物上。

至於｢相對論｣這三個字，我當然有聽說過，可這已經是我知道的全部了；一如大部份人一樣，我只知道世界上存在著一個有關科學的東西，名叫｢相對論｣，可它到底是關於什麼，是用來幹嘛的，如何個｢相對｣法的，我所知道的絕對是零。

阿信幹嘛突然提這個? 難道跟我們這事件有關嗎?

見到大伙兒都沒答上話，阿信逕自說了下去:

｢嚴格黎講，我指既，其實係愛因斯坦既狹義相對論———狹義相對論既大前題係講光，無錯，光，即係我地宜家隻眼見到既呢啲———｣

阿信微笑了下，伸出右手，在空氣中劃了一圈，彷彿是在比方什麼——

｢————光——外面太陽曬入黎既光，天花板光管發出黎既光，蠟燭照出黎既光，光管照出黎既光，什至我地部電話射出黎既光———屋入面，屋外面，馬路上面，天空裡面，空氣裡面———總之係我地睇既毎一樣野，進入我地眼睛既毎一道光線——光———根據愛因斯坦所講——光，係世界上最快既野，比車，比子彈，比火箭，什至世界萬物既任何一樣野，都仲要快————｣

我必須說，阿信已是說明得很傳神易懂，可不知為何，一聽到這種學術性的東西，我的大腦就好像開始閉塞了一樣，完全聽不進，更別談懂不懂——

只見隔離座位的兩個MK潮童，也紛紛搖頭，竊聲說了一句:

｢喂條友噏緊乜——｣

｢聽唔明啊仆街—｣ 另一個應道。

坐在大伙兒彼端的阿信都當不會聽到，所以他繼續講了下去——

｢基於光係世界上最快既野，所以，當任何一樣野行得好似光速咁快，又或者接近光速咁快既時候，佢地睇到既其他一切事物，就會相對黎講，慢左好多———大家有無聽過一個物理現像——係講兩個孖生兄弟既太空人?———｣

孖生兄弟太空人?！....

阿信跳得太快，我有點跟不上———

｢———其實係一個物理學家提出黎既幻想，不過好有趣———假設有兩個孖生兄弟既太空人，一個A，一個B，佢地乃係同年同月同日生既親孖生兄弟；個問題係，如果A今日坐上一架飛得好快，快到好似光速咁快既太空船，去外太空兜左個圈———假設A去左太空五日，五日後當佢再次番地球既時候，好可能，佢會發現地球既一齊事物，都已經面目全非，完全變哂；而果個同自己同年同月同日生既孖生細佬B，有可能，都已經變成左一個白髮老人，什至經已老死———｣

聽到這個陳述，我突然覺得有種莫名的熟悉感———這不就是我剛才在電話裡，跟阿怡講電話時發現的事嗎?！———

｢———點解會咁既呢? 點解係外太空既時間，會同係地球既唔同呢?———無錯，我一開始唔係講過，當一樣野愈接近光速既時候，世界上面既其他一切野，對於佢黎講，就會相對地變得慢———所以，或者A只不過係係太空船入面過左五日，但對於地球既人黎講——就已經係五個月，五年，什至係五十年———呢個，就係愛因斯坦既狹義相對論————｣

我似懂非懂地聽著，把之與我剛才的電話作出比較，看看能不能想出點什麼——

此時，阿信停下了講話，頓了一頓，轉身看著我，道:

｢———呢樣野，係我岩岩聽到你所講既野之後而諗到既——當然，係呢個階段我未能夠肯定到，夠竟狹義相對論呢個theory，可以有幾多成apply落我地既呢個case度———到底我地存在既呢個地方，係咪同外面——先唔理佢係邊度啦——係咪同另一個地方，什至係另一個空間，存在著咁大既Time difference呢? 點解對於我地黎講，成件事只係短短發生左3日都唔夠，但對於對方黎講，就已經係6年呢——｣

我遲疑的點了下頭，思索了一會，嘗試把阿信所講的東西拆解與組織———然後，我皺著眉向他問道:

｢…........其實我唔識啲咩相對論呢啲野……..不過聽你頭既講既果啲physics野，又好似同我地宜家個situation好似……………照你咁講……………..咁我地即係去左一個唔同既空間，有別於原本香港既一個地方…? 我地唔通唔係地球?！—————你係咪講緊呢樣野?..............再講，你講既果啲咩光速啊，孖生兄弟啊…….唔通你係講緊，我地宜家呢個地方，呢間茶餐廳，什至係成個香港，都係以光速飛行緊?！ 所以我地先好似果個A咁，去左五日，但原來地球已經過左五十年?——｣

我長篇大論的結束了自己的見解，吞了下口水，又補充道:

｢———其實，對於呢個問題，我反而好想聽下，你岩岩講既，關於大帽山既果啲野，我———｣

此時，沒等我說完，沒等阿信能夠回答，一直坐著旁邊的中年男子也亂七八糟地插了話進來:

｢………..係啊…..我都唔明啊，阿信仔啊，你係唔係即係講緊，我地唔係地球度啊，嗄?！ 咁我地宜家係係邊度啊————?！ 我地係咪既係飛緊咁解啊? 定係還是——我地入隧道果陣，架紅van飛緊啊————?｣

中年男子說罷，小巴司機也立即回了句話: ｢超——我日撚日都起飛架喇———咩光速咁把炮啊——我超光速添啦仆街————｣

眼見愈來愈多人插嘴進來，大伙兒都忘卻了自己根本聽不懂任何物理理論的事實，你一句，我一句的亂說起來，前後左右的交頭接耳著，各自推演著自己的一套｢相對論｣———茶餐廳內再次嘈雜了起來.........

坐在大伙兒中間的阿信，用右手食指托了下眼鏡，無奈地看著眾人的一榻糊塗———

此時，我發現，坐在人群中間的睇波女正呆呆的坐著，默默無語，與其他各人的反應大相逕庭......

看到這一幕，驀地，我的腦海裡閃過了個畫面————

————｢醒啊——醒啊！｣ 黑暗，我雙手胡亂地壓在睇波男的胸口上

————他目無面情，安祥的躺在地上不動...

————皮膚上，已全是紫灰色的屍斑.....

我轉頭看著中年男人——他正熱烈地討論著自己的觀點:

｢.....會唔會，架小巴就係一架時光機——行到好似光速咁快———所以我地就會｢山中方七日，世上已千年｣呢.........｣

旁邊的小巴司機立即答話: ｢.......點會啊，我架車啊————｣

我轉頭再往睇波女看去，只見她繼續愣住，與旁邊的所有人都絕緣了，就這樣的一個人地坐著人群中———

我彷彿看見........她的手正在微微的震動.........

驀地，一個殘忍的想法在我腦裡出現————

難....難道，中年男人還沒說出，睇波男已經死了的事嗎.....?

———不，不可能！！ 昨晚中年男子與我道別，獨自步回茶餐廳，照常說，中年男人好應該已經跟她說了自己老公的事才對啊———

對了———那她昨晚會是去了舊墟公園，看睇波男的遺體嗎?！———

她有看到………自己老公長滿紫紫灰灰的屍斑，早已面目全非的模樣嘛………?

想到這裡，我的心裡就一陣難過……如果看到的是阿怡的屍體……不知道，這一刻我的感覺會是怎樣?......................傷心…難過…還是憤怒? ……到底是看到自己心愛的人死了會比較傷心，還是，看到自己心愛的人變了另人的新娘子，會比較黯然?..............

就在此時，我看到睇波女的雙手突然停止了抖動，平放在雙腿上，然後，｢霍｣的一聲，睇波女動作誇張的從椅子中站了起來，望著眾人——

眾人無不安靜了下來，看著睇波女——

從我的角度可以打側看到，睇波女的身體正不停的抖震著——

睇波女低下頭，一臉痛苦的模樣———然後，滾滾眼淚從她緊合的眼皮下流了出來；胡了她的整塊面————

｢……………求下……求下你地唔好再講啦………就當我求下你地啦……｣

此時，睇波女舉起顫抖的右手，指著阿信，哭道:

｢…你……你咁聰明……與其諗埋哂呢…呢啲野…不如我求下你……你救番我老公啦……我求下你啦……我求下你地啦………我真係好鐘意佢架……｣

睇波女愈說愈激動，更想動身跪在地上——

——見狀，我連忙衝上前，用雙手把睇波女扶住，此時中年男子也衝了過來，把她一塊扶住———

我邊扶邊激動地說:

｢係我唔好………！！ 係我衰！！——如果我琴晚無追出去既話………如果我琴晚無——｣

我想到昨晚發生了那件事後，我還裝抑鬱的獨自回家去睡覺，完全無視了睇波男被自己害死的事實…………想到這，我慚愧得什麼也說不下去———

此時，中年男子也開口向睇波女道:

｢你唔好咁先啦……發生啲咁既事……完全係意外黎架乍……無人想…你千其唔好怪自己……你起番身先啦……｣

睇波女情緒接近崩潰，夾在我和中年男子中間，不斷使力拉扯———

｢我唔好咁…可以點啊………我得一個老公架乍………我真係好鐘意佢架……我真係好鐘意……點解！！?！ …………點解我地要入黎大埔睇波啊…………睇咩撚野波啊………點解啊………我一早同佢講左唔好入黎架喇……點解啊……點解佢要死……我地做錯左啲咩啊究竟………｣

聽到這番說話，宛如十分鐘前，我跟阿怡講電話時的翻版；一聽之外，觸境生情，我那才剛穩定下來的情勢，又給再次拉起———聽著睇波女的哭訴，拉扯著，自己內心某處，其實也很想一起哭出來———

｢我…我琴晚去左果個公園度，自……自己一個搬……搬左佢番去……佢宜家仲係我地個朋友度架………求下你地……救下你地救佢啦…………當我求你…｣

睇波女愈說愈激動，整個人不受控的向旁倒去，我連忙跟中年男子一起撲向前方，把她拉住————

就在此時——就當我撲向那桌子旁邊，嘗試把睇波女用力扯回來的時候———我聽到了，坐在旁邊的兩個潮童，其中一個對另外一個的竊語對話——

｢……喂……你估呢…個男人條屍，會唔會好似條女果條咁…起哂果啲紫色野啊拿……?｣

聽到的那一刻，我的心裡頓時翻出了種納悶感…..好像覺得，那裡怪怪的………?

然後，沒等我再有時間細想，靠在我身邊，跟我一樣大力扯著睇波女的中年男子，突然愕住，似是聽到了什麼可怕的事情一樣———

他把睇波女扶起，轉身望向那兩個潮童——

｢………你地……點解會知道個女人出左屍紫色屍斑既…………?｣

兩個潮童瞬間露出了一副驚恐的表情，其中一個急忙道:

｢咩……咩啊…叔叔……明…明係你琴晚返黎果時……同我地講架喎…｣

中年男子繼續驚愕，無視那個乳臭未乾的潮童的解辯———

然後，他疑惑的道:

｢………無啊……我肯定無同你講！！...............我驚你地覺得恐怖……所以專登完全無提過果個女人有屍斑既事...........你地究竟點會知道……? ————咪住先！ ……點解…果個女人死果陣，無著衫…………………?｣

中年男子疑惑不解地看著那兩個潮童；我彷彿看到，這兩個坐在椅子上，把頭髮都抓得兇兇的死MK潮童，眼神中，有那麼一點的退縮———

剎那間，我幾乎可以肯定，這兩個潮童背後，一定存在某種秘密——

我把睇波女扶起，確保她情緒已經受控，不會再亂衝亂撞後，就把穩住她的雙手輕輕放開…

睇波女逕自站在那邊，垂下頭，繼續無助的哽咽著———她淚如雨下，眼淚滴在腳下的地板磁磚上，印成一個個的藍色圓點。

看到這，我心裡也暗自難過；因為，我想到了阿怡——

中年男子走到兩個mk潮童前，近距離的，定眼看著他們；此時，他臉上的不解及疑慮表情經已消失，取而代之的，是猶如中學訓導主任般的一種嚴肅及凝重———

看到如此狀況，我也動身，微微向旁踏出了幾步，與中年男人一起，圍在兩個mk潮童旁邊。

中年男子深吸口氣，頓了一頓，開口說道:

｢——我琴晚一定一定無，我無同你地任何一個，提及過關於女人條屍上面出現屍斑既事——琴晚已經好夜，加上一日之內已經發生左太多事，我覺得再講出黎既話，一定會引起大家既恐慌——所以我敢肯定，如果你地知道有關屍斑既事，一定唔會係透過我而得知————！｣

中年男子義正詞嚴的說著，兩個潮童默不出聲的坐在一起，看著中年男子——

不知是否我先入為主的觀念作祟，我總覺得，兩個潮童的眼神，是愈見愈心虛——

｢咁……咁可能係我地攪錯左掛……或…或者我地係聽第個講…話個女人條屍上面有屍斑呢…｣其中一個潮童辯稱。

中年男子向前踏出了步，同時提起右手，分別指向了我，及後面呆站著的睇波女:

｢呢度除左佢地兩個之外，根本唔會再有人見過個女人條屍————如果佢無講，你地無可能會知道———除非…你地自己親眼見過條屍……｣

沒錯；我微微點頭，同意中年男子的說法。

腦海裡突然想起那個恐怖的畫面———

———黑暗中，公園內的石板小徑上灑著一地的亂髮……

———用手撥開頭髮，露出的，是長髮LV港女那目瞪口呆，死不冥目的臉…

———以及…她那一絲不掛，長出了紫紫白白屍斑的裸屍…………

想到｢裸屍｣這兩只字，看著眼前一臉嚴肅的中年男子，以及此時顯然露出了畏懼臉色的兩名潮童，我忽然想起了一件小事———

那是事件剛剛開始，我們還沒有下車時，在紅van上面聽到的一個小片段——

——紅van上，我們剛剛得悉全部人都消失了的事；然後，中年男子站了起來，提出｢我們全都死了｣的可能性，眾人都嚇了一跳……

——此時，死靜的車箱裡，傳出了後座兩名潮童之間的窺窺私語……

——｢頂…唔撚係啊，你有無聽到個阿叔講咩? 佢話我地死撚左啊仆街。｣ 其中一個潮童抱怨……

——｢屌，我連處都未破…不過，好似你都未?｣ 另外一個答道……

——｢頂你唔好咁大聲啦仆街。｣ 第一個潮童責備…………

突然閃過這個片段，本來覺得好笑的對話，此刻，卻讓我感到了種嘔心感覺…

我踏前一步，看著兩個潮童，質問道:

｢…………係你兩個……殺左個女人既?！｣

此時，旁邊一眾的大伙兒，包括那四個新加入的中大學生，也感到事件的嚴重性，紛紛轉過頭來，看著我們這邊——

只見站在左邊的潮童首先受不住，嘴角抖著的講道:

｢唔……唔係啊…………我…我地無—｣

坐在右邊的潮童連忙按住他，道: ｢你傻撚左啊仆街——唔好講啊！！——｣

左邊的那個似是再也受不了，把另外的那潮童推開，逕自顫著音說:

｢………個…個女人唔係我地殺架……真係唔係我地殺架………係佢無啦啦…自己跌左落地下死左乍……真係……真係唔怪我地事架……！！｣

眾人聽著他的陳述，都是一臉的驚訝。

以下，是左邊那位潮童，顫栗說出來的自白:

..........…果晚我同｢飛機昱｣(潮童二)，同埋其他人係大埔中心巴士站落左車之後，我地兩個就沿住安慈路，慢慢行返去。

我地諗住還掂咩人都唔見哂，連平時係度阿之阿左既老豆老母都唔見埋，咁果晚不如索性就上｢飛機昱｣屋企，話之佢係發夢又好，世界末日又好，兩條友拿拿林打爆埋隻game先算啦………

｢飛機昱｣屋企就住八號花園，一落車行唔駛五分鐘就係——就當我地係東海堂出面，過緊馬路果時，突然，行係我右面既｢飛機昱｣無啦啦指住前面，話:

｢你睇下——｣

我跟住佢指既方向望過去，發現對面馬路，大概就係柏斯琴行對出，有個女人係度慢慢行緊——

我見到佢手上面攞住既LV袋，認得佢係頭先紅van上面，坐我地前排既果條女——本身我都無咩為意，就咁｢哦｣左一聲，繼續過馬路；但係呢個時候，｢飛機昱｣又講多左句——

｢喂……..你唔係啊嘛…………..人一世，物一世，不如試試佢囉——｣

起初我都唔為意佢究竟係度講緊咩，只係隨便咁應左聲: ｢你噏乜撚野啊———｣

｢飛機昱｣好似好興奮咁，一路笑，一路講:

｢咩啊——頭先果個阿叔咪講左囉——佢話啊——我地其實已經死撚哂架喇——喂大佬，人一世物一世，宜家我地連鬼都做埋，但係野都未扑過一次，啲次序搞亂哂，有無攪錯啊——｣

聽完佢講，我係呢個時候，先明白｢飛機昱｣究竟係度諗緊咩；但我可以發誓，直到呢一刻為止，我都係未曾有半點非分之想——

畢竟，雖然我外表dress-up得好潮好型，出入既都係旺角各間機鋪，睇落係似係一個界女聖手，但係，講都尾，我其實都只不過係一個著得好潮好型既毒撚——莫講話未仆過野，其實連平時影profile picture既果啲食煙相，我都只不過係｢打煙泡｣，無真係食落肚——實際上，番到屋企，除左有時｢嘭｣門會大力左小小之外，其實，係老母面前，我連｢老母｣兩隻字都未曾講過——

所以，當聽到｢飛機昱｣講既野之後，我先先係嚇左一嚇，覺得有無搞錯——

｢你唔撚係啊——｣ 我懷疑咁講左一聲。

｢係啊——你諗下，我地連野都未搞過，無啦啦就死左，浪唔浪費左少少啊——你睇你睇，條女攞住個LV袋，行路果時個屎忽”吉”下”吉”下，幾索啊———佢攞撚住個LV啊，都唔方係咩正經人家啦——超，唔好比我講中，睇死佢咪又係出黎做援交賺番黎既——｣

呢個時候，我見到LV女已經行過左渣打銀行，轉右，行入安浩里——

我始終都係有啲懷疑，向｢飛機昱｣問:

｢——你諗住點?——你有錢係身咩?? 條女個樣唔錯，會唔會收得好貴架——｣

｢飛機昱｣聽到我咁講，恥笑左幾聲，講:

｢所以話你無大志就真係無大志——連小小野都要諗——家下都話到明，世界上所有人都已經唔撚見哂啦——咁我地食野，仲洗乜撚野比錢啊，緊係食免費餐啦——唔係添啊——家下四野無人，正所謂叫天不應，叫地不聞，不如索性老強喇——！｣

｢飛機昱｣愈講愈興奮，好似已經肯定左係要咁樣做，講完即刻加快腳步，跑向LV女消失既方向: ｢快撚啲啦——！ 佢行左入去果度，果度入面公園黎架，岩哂啊！！｣

我係後面一路追住｢飛機昱｣，一路叫: ｢喂！ 唔好啦！！ 唔好搞埋哂啲咁既野啦——我地快啲番去打爆埋隻野咪算囉——！｣

｢飛機昱｣當然無理我既提議，反而愈跑愈快，一路跑過左渣打銀行，轉入安浩里——

我係後面不斷追住，但因為果晚我玩｢視覺系｣，著左條超級｢瀨屎｣既｢瀨屎褲｣，我無辦法跑得太快，只可以不斷係尾度狂追上去——

當我再次見到｢飛機昱｣既時候，已經係係舊墟公園既入口外面；當時，佢喘住氣，企左係度，好似係度望緊啲咩——

我行埋佢身邊，問: ｢條女呢? 你唔係想屌人既咩? 去左邊啊?——｣

｢飛機昱｣望住前面既公園，答: ｢——屌佢行得太快，唔撚知去左邊——｣

我停低落黎，同佢一齊望住前面，嘗試搵番條LV女既蹤影——

夜晚既舊墟公園可以係話一片漆黑，即使係有街燈，但都仲係好暗，有等如無——

然後，係樹同樹之間，我突然間見啲野———好似係人影——有人行過——

係LV女！！

我正想話比｢飛機昱｣聽，但未等我開口，｢飛機昱｣就已經指住前面，一個箭步咁”標”左出去，仲大聲講左句:

｢係前面啊——追！！｣

我地兩個又再次奔跑起黎——跑係前面既｢飛機昱｣真係好興奮，我聽到佢一邊跑，一邊自言自語咁講——

｢黎料喇——終於黎料喇——我咁大個仔——為既，就係呢刻———仲要第一次就玩老強———我得左喇——｣

公園入面既小徑可以講係九曲十三彎，又黑又窄都不突止，仲要充滿住又上又落既石級——一個唔小心，就會好易仆街———

但係｢飛機昱｣既速度完全無減慢，反面愈黎愈快，好似為左搞野，就算仆街都唔怕——

然後，當我地又轉左個彎之後，突然，LV女既背影就出現左係我地面前——

黑媽媽既石板小徑上面，佢企左係中間，郁都唔郁；而個LV手袋，一早就跌左係佢身邊昸地下度。

我望住佢既背影，一把highlight過既頭髮，好柔順咁放在係後面，對住我地——

呢個時候，我隱約見到，佢果把柔順既頭髮，好似不斷咁震緊咁——左搖右擺——

我認真望多次，發覺原來唔只係頭髮——原來，LV女成個身，都好似係度輕微震緊咁———

佢背住我地，企左係度，不斷微微咁係度震；見到呢個場面，我即時嚇左一嚇，個心寒左一寒——

我既第一反應係諗———唔通係痙攣??—

呢個時候，｢飛機昱｣見到LV女係前面，好似痴左線咁，完全無停低，直接撲左過去——

｢靚女———等埋我啊！！———｣ ，｢飛機昱｣開心大叫。

突然，LV女好似聽到｢飛機昱｣既叫聲，擰轉頭，望左過黎———

係見到佢正面既果刻，我差啲嚇到跌左落地———

｢屌————！！｣ 跑係前面既｢飛機昱｣亦都嚇左一跳，立即停住，望住LV女，大聲咁叫左出黎——

｢乜撚野事啊———｣，｢飛機昱｣一邊望住LV女，一邊後退———

LV女塊面好白，白得好緊要，係蒼白果隻，如果唔知，夜晚係個公園入面見到，一定會以為自己撞鬼——

重點都唔係佢塊面，而係佢條頸———

蒼白既皮膚上面，佢條勁無啦啦起左一噠噠既紫色野，好似人地生｢癬｣咁樣，一噠噠，係好深既紫色，好得人驚——

LV女睇落去好似好辛苦咁，面色蒼白，MAK大哂對眼同個口，目瞪口呆，好似比啲咩野卡住左係佢喉嚨，就快窒息透唔到氣咁; 當然，呢個只係我個人感覺——因為佢根本就無出聲，而只係不斷係度發出好細好細聲既，｢啊———啊———｣既喉嚨叫聲————

LV女個身一路不斷震緊——佢望住我地，條眉伸得好高，個表情好似真係好辛苦咁，想向我地求救——

｢……..佢…..佢發生咩….咩事……｣ 已經淆哂底既｢飛機昱｣問。

然後，就係｢飛機昱｣岩岩問完既呢一刻——

｢啪——｣

仲未黎得切比任何反應，眼前既LV女已經無啦啦，成個人跌左落地，發出一聲巨響。

望住地下上面無哂反應，郁都唔郁既LV女，我同｢飛機昱｣都好驚——

就咁訓左係地下上面，LV女個樣都仲係MAK大哂對眼同個口，一臉蒼白——

｢佢…….佢…唔撚係死…死左嘛…….｣，｢飛機昱｣嚇到面都青埋。

係果一刻，我都然未敢肯定住，但係直覺話比我聽，LV女真係已經死左……

｢點….點會咁既……?！ 佢咩事?！ 點解佢頭先好似好辛苦咁既…?！......佢有病?? 咩病? 心臟病?? 哮喘…?！.........點解…..｣，｢飛機昱｣不斷係旁邊自言自語———

聽至這裡，我忍不住插了句話；因為，我還是蠻在意一點——

｢——咪住先——咪住先——你係話個女人係自己跌落地既?｣

左邊的MK潮童害怕地點了點頭，小聲說: ｢…..係…係啊……..｣

聽後我不禁奇怪，因為，這也跟我原先以為的，也相差太遠了吧——

我鍥而不捨的繼續問:

｢—咁你地係個公園入面，有無見到任何其他人? 例如果啲帶住防毒面具既西裝男人——?｣

MK潮童繼續搖頭，嘴角依舊抖動的道: ｢……..無….無啊…..我地由頭到尾……都….都未見過你地所講既果啲防毒面具人………｣

……嗄?

我暗暗生奇，側著頭的思索了會……

難道.....我一直以為的東西是錯的??

——難道，LV女的死，跟那群防毒面具男沒關??

———難道是她自己問題??..........這是個自然死亡的現象……..??

還是……是那群防毒面具男，用了什麼方法…..可以不用在場就把LV女殺死———? 會是這樣嗎?———他們不是一直都有種奇奇怪怪的高科技發明嗎?———他們提早下毒? 還是有什麼可以隱身的裝置，當晚是的確在場只是這兩個MK潮童看不到——? 會是這樣嘛…?

慢著！！ 如果———LV港女的死，是真的跟防毒面具男沒關——那——其他人的死呢———??

眼鏡青年的死呢——?

睇波男的死呢———??

他們的死，難道…..都與防毒面具人沒關嗎?.........怎麼可能！！? 可明明毎次死人的時候，那群該死的防毒面具人，就會鬼鬼祟祟的出現在旁啊………怎麼可能說沒關?！

……….慢著…….如果這一切的死亡，都真的跟他們沒關……..那…….他們戴著防毒面具的目的……..該不會就是為了防止這種情況的出現吧……………難道……...這一切的死亡….真的是自然現像?......

….那未…致死的原因…..到底是什麼…?

突然，混亂中，腦海中閃過了句聲音——

｢———小心啊———呢度——好危險————｣

…….難…..難道……..

昨晚戴著防毒面具的｢中年男子｣所講的———就是這個意思?！！

嗄??！

空氣中……..有毒嗎?！！

就當我的思緒在剎那間變得混亂的時候；站在旁邊的中年男子似是沒有發現我所想到的問題及疑點，只是有點不耐煩的看著他，似是在怪我幹嘛硬生生的把潮童的故事打斷——

｢——講啊——你繼續講——講你地之後做左啲咩——｣中年男子一臉嚴厲的向潮童命令。

坐在左邊的MK潮童暗暗嘆了口氣，畏懼的把話繼續說下去——

我地兩個就咁企左係度，呆哂咁望住地下上面，LV女條屍——

對我黎講，本來只係一次無聊既跟蹤——最後竟然會變成攪出人命——我真係呆哂，話哂，都係我咁大個人以黎，第一次近距離咁望住人死———

我驚到完成唔識比反應———

反而，企係我身邊既｢飛機昱｣，呢個時候好似已經鎮定左落黎，仲慢慢行近條屍——

我即刻係後面叫住佢———

｢喂———你做咩啊———死左人喇——走喇———仲行埋去——你傻架?！｣

｢飛機昱｣無視我講既野，一路行埋去，好似對條屍好有興趣咁——

｢喂！ 走喇快啲！！ 我地出番去——打電話比其他人，話比佢地聽有人死左！！｣

｢飛機昱｣一聽到我呢句，即刻擰轉頭，望住我，激動咁講:

｢你ON9架?！ 這比人聽呢度有人死左——佢地知道左之後——一定會問我地點解係度架喇！！ 咁點答啊——講無啊因為我地想老強佢，所以一路跟蹤佢行入黎公園——點知佢無啦啦病發死左啊?！———你咪ON9啦！！｣

係呢個時候，因為岩岩見到死屍既緣故，我本身已經驚到個心都震埋，一時三刻間，突然間諗唔到野去反搏番｢飛機昱｣，只係企左係度，一路聽佢繼續講落去——

｢計我話，既然我地都黎到呢度——條女又岩岩死埋，郁都唔郁———不如——盡地一鋪啦———｣

聽到佢講呢句，我當堂個心都離一離，打左個冷震——

｢———你…你想……姦屍?！｣

｢咁條女都唔係死左好耐者——個身都仲溫，又未硬———屌驚咩者——拿拿聲搞完走仲好啦———｣

痴線———真係好痴撚線，我完全接受唔到｢飛機昱｣會變態成咁——

當務之急，為左阻止｢飛機昱｣姦屍，我求其搵左個理由出黎——

｢但….但係…..你唔驚…..佢有病咩?！ 佢頭先好似病發……所以先無啦啦死喎…….｣

｢飛機昱｣聽到我講，望住條屍，之後又望住我，指住條屍，”yap”手叫我過去——

｢你睇下——頭先佢條頸啲紫色野咪好深色既——宜家咪淡左囉——証明果啲就算係病，都會散架———唔撚洗驚——｣

我低頭望住條屍，發覺｢飛機昱｣講得岩——LV女死果陣條頸明明真係好深紫色，深到離遠都見到——但係宜家——啲紫色好似愈黎愈淺咁樣，慢慢變成又白又紫既斑紋———

唔通——呢啲就係人地成日講既屍斑?！

呢個時候，未等我反應過黎，我已經見到｢飛機昱｣跪左落黎，開始幫條屍除緊衫———

我暗暗一驚，望住｢飛機昱｣，唔能夠相信自己既眼睛——

｢……..你….你做緊咩……你唔係真係諗住同佢………..你痴撚左線咩?！！ 洗唔洗咁啊！！｣

｢飛機昱｣一路幫佢除衫，一路激動咁同我講———

｢我痴撚線?！！———你醒下啦好唔好啊！！！ 你睇唔睇見出面啊——成個世界唔撚見哂啊———剩底我地架小巴乍！！ 代表咩啊——代表宜家成個世界既女人，都係哂架車度架喇！！ 無架喇！！——再無其他女人喇！ 你見唔見架車有幾多個單身女人啊，除左呢條女，就得另外坐車頭果件乍！！ 仲有個三十幾歲阿嬸，你係唔撚係岩啊！！————成日話要扑野，成日講要破處！！ 宜家機會黎喇，成個世界無皇管，比你任食唔嬲喇，又驚呢樣驚果樣———屌！ 廢事同你講——一陣條女凍哂硬哂，連入都入唔到啊———｣

呢個時候，｢飛機昱｣已經將LV港女脫得一乾二淨———

唔怕老實講，其實我真係一個處男，呢次係我真真實實，用雙眼第一次見到既女性裸體———而且仲係一條死屍——

毎日幻想過千過萬次既情境，到左真係發生既時候，既然完全唔係果回事——

係呢一刻，見到LV港女既裸體，上面全部都係紫紫白白既屍斑，我真係好想嘔——

我完全驚到唔識反應，腦入面其實好想走，但唔知點解，愈想叫隻腳行，佢就偏係更彊咁棟左係度，連一步都行唔到——

之後，我就咁睇住｢飛機昱｣將LV港女脫得精光，然後，再除埋左自己條褲、底褲———

好快，｢飛機昱｣就已經爬左係LV港女既身上面———發左癲咁不停前後郁動——

｢———啊——啊——啊—啊——｣，｢飛機昱｣口中，發出一陣低聲既呻吟聲——

——————啪——啪——啪——啪——！！

｢飛機昱｣既個身一直摩擦住LV港女，兩個人既肌膚係度互相拍打，毎次一前一後既動作，都發出一種｢啪啪｣既聲音——

估唔到，當我實際聽到呢種係AV聽過無數次既聲音時，我會一啲都唔覺得興奮，更唔好講話有無生理反應———

———見到LV港女個樣——雙眼同口都仍然MAK大———死唔眼閉——

——見到LV港女個身上面紫紫白白既屍斑——

—見到LV港女上面，不斷前後郁動，一臉陶醉既｢飛機昱｣——

｢———啊——啊——啊——｣

———————啪——啪——啪—！！

果一刻——我真係覺得，好恐怖……….好恐怖…….

｢夠啦！！———唔好再講喇！！｣

我揮手一揚，把MK潮童的話打斷———

不成，實在是太嘔心了；我根本不能相信，眼前這兩個乳臭未乾的MK潮童，竟會作出如此變態的事——

當然，感到變態的決不只會是我一人；只見茶餐廳內的大伙兒，不論男女，全都露出了一臉驚恐，嘔心的樣子———緩緩的搖著頭，不能夠相信自己耳朵所聽到的———

此時，站在旁邊的中年男子深深地倒抽了口氣，向坐在左邊的那個潮童問:

｢……..之……….之後呢?.......佢完事左之後……你地係咪就番左屋企….?！成件事係咪就係咁?............｣

左邊的潮童低下了頭，默默不語，整個身體都在微微的抖著——似是被問到了什麼更恐怖的東西似的——

然後，坐在右邊，久久未語的那個潮童，｢飛機昱｣，遲疑地說出了句——

｢……唔係…..……當我搞掂左之後…….佢……….突然話……….反….反正都係………….不..不如佢都試下……….於…於是………….之後就換左佢上陣……由我坐係隔離睇住………….果晚……我地毎人……輪流……..試左三次……………..｣