｢唔——唔——唔——唔——｣

手中緊握住的手機不斷震動著。

我倒抽了口涼氣，不顧一切的衝出茶餐廳，邊跑邊向後面的大伙先喊了句:

｢等等我，好快！！！—————｣

我再沒回頭去看他們大伙兒的反應，因為，此時此刻，手中的這通電話比世界上的一切都還要重要———

我飛奔至茶餐廳門口，站在外面空無一人的寶鄉街上，右手在手機屏幕上按下｢接聽｣鍵；我面紅耳赤，緊張地感受著胸口間的起伏，聲音幾近顫栗著，向話筒應道:

｢………喂?！............｣

驀地，話筒中傳來了｢沙沙｣的微弱聲音，似乎是當中線路不好所致———然後，大約是待了一兩秒，話筒傳來了一把聲音細弱，柔和，卻又熟悉的女聲——

｢……..喂?......喂?...........阿池?............係咪阿池啊?...｣

阿怡！！！ 我百分之百肯定，這是我日想夜想，我女朋友阿怡的聲音！！！！——不會有假，這無疑是阿怡沒錯！！！

我推緊手機，連忙應道——

｢阿怡！！———係啊係我啊—— 我係阿池啊！！！！ 你係邊度啊宜家，你無野啊嘛！！ 你去左邊啊———你知唔知我好擔心你——真係好擔心！！！ 你地去左邊———！?? 係唔係有咩事啊———你宜家安唔安全啊———阿怡——｣

我失去理智般的瘋狂問道；別怪我，好運的話，也許你一輩子也不會了解我此刻的感受——

｢阿池??..................係咪你啊………..係咪真係你啊……………………….你真係阿池………?｣

我感覺到阿怡的聲音正在顫栗著，開始時，我還以為她是跟我一樣的緊張，才急速地喘著氣；可聽下去，我才發現她原來在哭泣——大概是，終於打到給我了，喜極而泣吧——

｢係啊…..真係我啊……我真係阿池啊…….…..｣

剎那間，聽到阿怡的哭聲，不知怎的，我也同樣的感到陣黯然；鼻子一酸，喉頭一片沙啞，好像自己也快要哭出來般————

阿怡，終於給我找到你了！！！！

｢阿怡…….你究竟————｣ 我本想繼續問她到底去了那裡，可話沒有說完，就給阿怡硬生生的打斷了:

｢你究竟去左邊啊！！！！————游梓池！！———你究竟去左啊———｣

阿怡聲音完全沙啞，邊講邊哭了起來；一時我，我反應不過來——

｢你粒聲唔出就走左去，你知唔知我地搵得你好辛苦！！ 你究竟係邊啊……仲係唔係香港！?————你知唔知我同Uncle同你家姐，等你等得幾辛苦?！！———你點可以粒聲唔出就走———｣

聽到阿怡提起了我的家人，我心內大喜，連忙插話道:

｢我阿爸? 我阿爸佢地同你一齊啊??———太好喇—原來你地無分開，仲一齊係度———你地宜家係邊啊———我阿媽呢? 你叫佢唔洗擔心啊，我無危險——｣

此時，阿怡再次哭著的打斷了我——

｢你阿媽?！！—————游梓池！！ 你仲好意思問?！！ 你知唔知你阿媽為左你，做左幾多野———！！? 你粒聲唔出走左去，宜家先同我地講話唔洗擔心??！ 遲唔遲啲啊———DUM低女友同自己老母唔理，你仲係男人黎既！?————｣

阿怡邊哭邊喊罵著；她的情緒突然激動，讓我嚇了一跳之餘，也暗暗慚愧起來——

｢………….怡…..我都唔想架……..我已經用盡方法搵你，但係都無用………我連發生咩事都唔知！！ 我發誓！！ 我真係唔知！！———我真係唔知咩事架！！！｣

我無從解釋，心頭突然一陣沮喪，不禁激動起來———

｢阿怡——你宜家係邊啊? 你係唔係同我屋企人一齊啊，你比個電話佢地聽啦———係喇….你比我阿媽聽啦，我同佢報個平安先啦，你地真係唔洗擔心———｣

此時，阿怡突然發了瘋般喊道———

｢你阿媽?———乜原來你仲理既咩?...........哼——游梓池，原來你唔單只唔係好男人，仲唔係一個孝順既仔————你連自己阿媽死左都唔知?！！｣

這下猶如一記情天晴天霹靂，腦後突然昏眩，眼前的寶鄉道境色似是歪曲了起來，我差點站不穩———

什….什麼?！！ 她在說什麼??.......

嗄?..........??

她到底在說什麼?！！！..................

我…..我…我媽…………..死…了……?！！

什麼時候的事?！！！！！

是昨天晚，還是前晚?！！！ 事件怎麼可能發展得那麼突然?！！

怎麼會那裡突然?！！！！！

無論是我握著手機的手，還是站在人行道上的兩條腿，它們都不停地抖震著；體內突然一陣涼意，心跳剎那間瘋狂加速起來雙眼一陣酸溜溜的感覺，眼淚卻是始終都沒掉下來——————我感覺到，我真的快要崩潰了——

原來，這就是痛失家人的感覺….?

｢係….幾…….幾時既事…?｣ 我雙齒間不斷地抖震著，虛弱的問———

此時的阿怡似是已經平靜下來，對我百般憎恨，冷酷的道:

｢舊年十月，肝癌。｣

…..?

…….???

………..what???

我一頭霧水，完全聽不懂阿怡到底在說什麼———

去年十月?? 嗄?！！............. 此刻我的第一反應是: 阿怡是傷心過度以致神經失常，才會如此的胡言亂語——我免強的乾笑了下，嘗試輕鬆道:

｢阿怡……….唔係，你聽住先……..拿，你係度講緊啲咩……..? 唉啊………你係咪掛住我掛到傻左啊….? 傻既———你講咩舊年十月啊…? 嗄? 我阿媽身體不嬲都好好架喎，連傷風都好少，又點會有cancer架……….你唔好玩喇，叫佢黎聽啦——｣

誰知聽後阿怡再次激動，破口大罵了起來———

｢玩?！ 邊個同你玩啊?！ 嗄?！！ 我地叫玩?? 玩?? 咁……咁你呢啲粒聲唔出走左去，連一個電話都唔打返黎既，又算唔算玩啊！！！ 點解早一日唔聽，遲一日唔聽，點解係要到今日先肯聽我電話啊———！！！ 你知唔知，你媽咪為左你，周圍頻撲左幾耐啊呀！！！—————｣

說著說著，阿怡又再次哭了起來———驀地，一個恐怖念頭在我腦海中閃過；我不以為意，沒有理會這個荒謬的可能性———

阿怡繼續說著:

｢………點解你早一日唔聽，遲一日唔聽，係要今日先肯聽啊……..游梓池你究竟想點啊…….點解你要咁對我地………..點解！！！ 我地究竟做錯左啲咩啊————｣

｢你地————｣

｢係！！ 無錯！！ 我地平時或者有鬧交，但係你都唔洗粒寫唔出就走左去架……你…你知唔知我好掛住你啊———你媽咪果時都係，為左你四圍頻撲，又一直唔肯cut你張電話卡，就算打極比你你都唔聽，send極message黎你又唔覆，佢都唔肯放棄啊！ 點解你唔肯打番番黎啊————點解！?！！！ 你知唔知auntie為左你，周圍頻撲……最後就係因為咁而身體出事啊———?！！———嗄?！！ 你係唔係想好似庾文翰咁先安樂啊！！———醫生都話，如果佢唔係咁大年紀先黎做埋哂啲咁既野，佢根本唔會有事啊！！！ 點解你係度要咁對佢地，咁對我啊————！！！｣

阿怡歇斯底里般的哭罵出來；此刻的我，已完全跟不上她到底在說什麼——然後，腦海裡彷彿又抽搐了下，那個恐怖的念頭再次湧現———

怎麼可能………

｢點解………點解……………..阿池……..你究竟去左邊啊……….點解dum低我地走左去…….點解你當初可以咁忍心………………..｣

此時，電話中再次傳來了某種｢沙沙｣聲響，訊號似是被突如其來的什麼干擾——

我心裡一陣涼意，無可奈可的重新審視腦海中的那個念頭……….

不會吧……….

我握著手機，嘴角抖著的問——

｢怡…..我….到底失蹤左幾耐———?｣

｢沙————沙—————｣ 電話線路繼續傳來那該死的干擾———

｢………………………………………………………..……｣

此時，電話那頭，傳來了某種悅耳的聲音，似是有人在放古典音樂———

｢阿怡….?? 怡………你答我先啦…….. 我究竟唔見左幾耐……?｣ 我心都慌了。

｢………………………………………………｣

阿怡還是沒有回答，或是沒有在電話旁邊，走開了———

然後，電話那頭，隱隱約約地，我聽到了一把陌生的女聲———

｢———阿怡? 你做咩喊啊?｣

是誰?

接著是阿怡的聲著，似是把電話拿開了，她的哽咽充滿著距離感——

｢無啊……….無野啊…….｣

我內心感到了一陣難過，無論是發生了什麼事，無論是有多匪夷所思，相信我也有意無意間，傷透了阿怡的心————

此時，那把陌生女聲似是輕笑了下，溫柔的安撫道:

｢——傻女黎既，唔洗咁緊張啦——唔准喊啊！ 一陣喊到個裝化哂，趕唔切又要化過架喇下————深呼吸———拿——記住，今日，係你既大日子———｣

驀地，我的心內一陣毛骨悚然，手臂全是雞皮疙瘩——

大日子??

她到底在說什麼…....什麼大日子???

那個恐怖的念頭飛快地在我腦海裡變異，蜷曲，我嘗試用最直接的方法才分析剛才聽到的那個對話————

———難…..難道………

不！！！—————不可以！！！！！

我握緊手機，歇斯底里地喊道:

｢阿怡————！！ 阿怡你返黎啊！！———你講清楚啊！！ 究竟發生左咩事啊———！?！！｣

其實不用阿怡回答，我大概也猜到這到底是什麼回事，這一切匪夷所思的恐怖背後，到底，阿怡的真相是什麼………

驀地，話筒裡出現了一陣磨擦聲，阿怡彷彿聽到了我在手機裡的嚎叫，再次出現道:

｢………………阿池…..｣

此時，滾滾眼淚已經控制不住的魚貫流出，我沒作理會，任憑它把臉頰都沾濕；對著耳筒，我哽咽問道——

｢阿怡………究….究竟發生左咩事………..我究竟唔見左幾耐………呢段期間……究竟發生左咩事………….｣

阿怡先是沉默了一陣子，深呼吸著，然後，幾經良久，嘗試冷靜的開口說道:

｢………………係…你失蹤既頭四年，我都一直唔肯放棄，覺得你一定係為著某啲原因而突然消失，不辭而別———除左我，auntie，uncle，同埋你家姐都係，佢地覺得你唔會就咁話唔見就唔見，一定係有啲事發生左先會咁————其實過左頭兩年，身邊大部份既親戚朋友，包括我阿媽，都已經對你切底失望，個個都話你一係返大陸做啲唔知咩野時出左事，一係，就話你欠左人成身債，要溜夜坐船離開香港—————不過我知道，我地四個人都知道，你一定唔係啲咁既人——！！！｣

我的眼淚愈流愈多，我的鼻孔抽搐著，不想相信，又無可奈何的繼續聽著…….

——無疑—我那恐怖荒謬的想法，已經不幸地實踐了………………

｢我地唔係無試過打比你，我地幾年黎，毎日打，毎日打，一日至少打上百個電話比你，打電話之餘又不斷send message比你——Auntie仲死都唔肯放棄你既電話號碼，一路幫你交住錢，話你一日一定會打番番黎———點解啊，阿池——你可唔可以答我———你到底去左邊————點解你要咁樣對我地啊————｣

阿怡說至這裡，反反覆覆的，又再次開始哭泣起來———

我同樣哭著，虛弱的說道:

｢……………….我無啊…..阿怡……點解你地唔信我…………我真係邊度都無去啊……..我係香港啊………..我呢一刻仲係大埔啊………究…..究竟發生左咩事啊……..我做錯左啲咩啊……………點….點解！！........｣

我很想把整件事的來龍去脈告訴阿怡，可惜，此刻的我已是哭成淚人，漸漸失去說話能力；同時我也明白，即使講了出來，此時此刻，事情已經向某個匪夷所思的方向逆轉過去了，無法挽回—————

阿怡繼續哭道:

｢………..果…….果啲差佬都係咁講！ 頭果兩年，我地耐唔耐都會去差館…….迫佢地幫我地查你係邊……..但…但係佢地次次查，都話你個電話無問題…….應該仲係香港境內………但係唔知點解…查黎查去都係同一個地方……………佢地次次跟住個signal去搵果個地方…..都係無野，果度什至連人都無！ 之後果啲差佬就唔再幫我地查喇，話佢地唔會繼續查落去……………..auntie什至同果啲差佬嘈過好多次……..池…..阿池啊…….你到底係邊……點解你偏偏要今日打黎啊………….｣

本來還在哭泣的我，聽到這番話，彷彿是聽到了個什麼重點，急忙向阿怡問道———

｢咪住先———阿怡…..你話個差佬查到個signal既發出位置，次次都一樣，但去到又無人?——你係唔係咁既意思…….?｣

｢……係啊………次次都係同一道……但係果度次次無人啊…………我地頭兩年仲會成日去果度搵你…..諗住你會唔會真係係果度出左咩事…….但係無論點，果度根本都唔會有人去…….｣

｢阿怡………究…究竟係邊度….?｣

｢……啲差佬話你個signal係係大帽山山頂發出……呢個位置….幾年黎都無變過……話應該係電話壞左….....佢地唔肯再幫我地……..｣

什麼???

大帽山山頂?！！！

怎麼可能…..

大帽山山頂………………那..到底是什麼地方……………………..

這個答案完全超乎我想像；驚訝程度，把我心中的那股難受暫時壓制著———我右手繼續提著手機，伸出左手把我臉上的眼淚擦乾———

｢………………………………………………………｣

此時，耳筒那頭，背景再次傳來了那首柔和的古典音樂典子，我暗叫不妙——

｢阿怡！！ 阿怡！！———究竟咩事啊———你宜家係邊———做緊啲咩啊??！！｣

｢……………………………………………………….｣

電話那頭，傳來了一陣嘈雜的人聲，似是有什麼事情在發生———

然後，我再次聽到了那把陌生的女聲，她似是笑著的說道:

｢————準備好未啊? 參唔多喇——唔好傾電話喇下———｣

什麼???！！

｢阿怡————————！！ 你去邊啊————?！！ 你去做咩啊——！！———阿怡———！！！ 應我啊————！！！｣

此時此刻，其實，就算不用阿怡親口說出，我也大概可以猜得出來———

只是——這麼一通的電話裡面———我無法接受，這突然的翻天覆地的改變———

｢阿怡———————！！｣

———然後，阿怡的聲音出現了，她靜靜的，顫著音說:

｢……….池……點解….點解你要係今日先聽我電話……點解你唔可以早一日…………?? 點解……….點解就想我最後一次打比你果時————點解你就要聽??————點解你可以就咁就走左去?.....................六年喇…..成六年喇———！！｣

……不要……….這不是真的………………..不要……………….我的心裡暗叫著。

｢————池——對唔住！！ 求下你原諒我———！！ 我點會知道，之後既今日，你先會肯聽我電話———如果我果日知道———我就唔會應承佢——更加唔會鐘意左佢————點解啊阿池———點解你要咁對我啊—————｣

不……..不要……………….！！！！

此時，電話那邊的古典音樂聲音突然變大，我聽到某把男聲出現了——

｢新娘子準備好未啊——?｣

然後，就在我還想咆哮出什麼聲音之前，電話線來突然充滿了那干擾的信號聲——

｢沙—————————沙————————｣

我聽到，彼岸的聲音，漸漸給削薄了———

｢阿池———池———?? 沙———— 我———沙————｣

該死！！ 我聽不見！！！

｢阿怡————！！！ 你唔好走啊！！！ 我邊度都無去啊———你唔好dum底我唔要啊—————！！！！｣ 我不能自控地嚎叫著，眼淚再次不能自控的往下掉。

不要………..不要走………………………….

然後，我聽到了電話那頭，傳來了這最後的訊息———

｢池————?！ ———沙—————沙———————我————沙——————愛————沙————沙————沙————你！——卡！！｣

Doo….doo…doo…………

手機中，傳來了給突然掛掉了的電子訊號聲———

空洞的———絕望的—————

我立即掛上電話，發了瘋般去按下了｢重撥｣鍵————

｢dodo….dodo…｣ 電話中，再次傳來了等待對方接聽的電子訊號響——

快點！！！ 阿怡！！！！ 快點再接聽——————！！！

然後，猶如宣佈死訊般不幸，電話中傳來了一把熟悉又反感的機械化女聲——

｢dodo…你宜家係，9，6，6，3，x，x，x，x既留言信箱，請係———卡！｣

我再次掛掉，再次按下｢重撥｣鍵———

｢dodo….dodo…｣

不會的………….阿怡一定還在的……….！！！

意識的某處，我知道我正在騙自己；可此時，我除了不斷的按下｢重撥｣，我真的不知道，自己還可以作些什麼————

然後——電話那頭，再次傳來了這絕望的一響—————

｢dodo…你宜家係，9，6，6，3，x，x，x，x既留言信箱——卡！｣

我掛上，再次按下｢重撥｣———

｢dodo….dodo…｣

此時，我整塊面都已經爬滿了淚水，我知道，這刻我是忍不住了———

｢阿怡…………阿…阿怡……………！！！ 點解！！............點…..點解你唔等我啊…………我邊度都無去啊………………我真係邊度都無去啊……….點解！！！ 點解你要咁對我啊…………！！｣

我提著電話，聽著那冗長的電子訊號響，向天哭訴。

雙眼視線早已被淚水掩蓋著，猶如放大鏡般，把寶鄉街化成朦朧的一團影。

再次步進茶餐廳的那一刻，我低著頭，沒有在意大伙兒到底有沒有看著我，什至不去嘗試想像，他們到底會不會發現，才出去了一會的我，回來時雙眼幹嘛會變得又紅又腫——

因為，他們全都在用心地聽著什麼，根本沒暇再去留意我；全體｢生還者｣，包括中年男子在內，都在認真地聽著一個人在講話；茶餐廳內，沒有半點多餘的聲音———

坐在中間的中大學生，沒記錯的話，他叫阿信是吧————

猶如早已辭世的眼鏡青年般的一副理性態度，阿信用伸出右手，托了一下自己的粗框眼鏡，把他本來在講的話繼續講完———

｢——————所以，根據我岩岩講既分析，得出黎既結論係，我認為成件事既重點，包括解救方法，都在於我所講既呢個位置上面….大帽山。｣